Condergada la Conseyería d’Industria a pagar una indemnización de 28.000 euros

La Corriente Sindical d’Izquierda vien d’algamar una sentencia favoratible del Tribunal Superior de Xusticia d’Asturies, según la cual, la Conseyería d’Industria tien d’indemnizar al ex-Secretariu Xeneral de la CSI y miembru del Comité d’Empresa de la desaniciada Naval-Xixón, Xuan Manuel Martínez Morala, cola cantidá de 28.696,12 €, por daños y perxuicios.

Daquella, y siendo Conseyeru de Industria Graciano Torre, la plantía de Naval-Xixón foi sometida a un ERE.

Ye una artimaña bien remanada pola patronal, despidir, regular y, a última hora, estremar de la plantiya n’activu a les y los trabayadores más lluchadores y combativos, pa desmantelar cualisquier llucha sindical que pueda tener llugar na empresa.

Agora, la CSI, al traviés de la so abogada Marta Rodil, consiguió dexar probáu que la Conseyería d’Industria llendó y frayó los derechos y garantíes sindicales de lostr abayadores de Naval-Xixón, condergándola a la citada indemnización.

Nun ye la primer vegada qu’esto asocede. La illegalidá del zarru de Naval-Xixón y la vulneración de la llexislación llaboral en tou aquel procesu, yá quedó patente n’otres demandes interpuestes pola CSI, que dieron llugar a otres tantes indemnizaciones de 6.000, 15.000 y 30.000 €, respectivamente.