EULEN propón la destrucción de 31 puestos nel serviciu llimpieza del HUCA

El Comité d’Empresa de EULEN SA, qu’empresta los sos servicios de llimpieza nel HUCA d’Uviéu, quier manifestar la so esmolición pola situación que la dirección de la empresa, plantegó-yos: “LA DESAPAICIÓN DE TRENTA Y UN PUESTOS DE TRABAYU” de llimpieza nel hospital del HUCA.«»
Queremos poner en conocencia de la ciudadanía en xeneral, de les autoridaes competentes y de los enfermos hospitalizaos en particular, del pergrave deterioru que va suponer pa la hixene, llimpieza y asepsia del hospital l’AMORTIZACIÓN de tantos puestos de trabayu.
Queremos recorda-yos a toos, que si la medicina avanzó nel pasáu sieglu XX, ye pola reconocencia de la necesidá imperiosa de que l'”Actu Médicu” seya realizaú sol más escrupulosu respetu, a la calidá de la llimpieza perenrriba los parámetros que demandaos na llimpieza d’otru tipu d’instalaciones.
Recorda-yos la Sentencia pionera n’España, que condergo al Hospital Doce d’Ochobre, a pagar una indemnización, por non solucionar, la desapaición d’una bacteria “ACINETOBACTER BAUMANNII” que tuvo al hospital en xaque mientres añu y mediu, matando a dieciocho pacientes y reconocíu n’AUTOS qu’hubo, “falta de personal, por non reforzar la llimpieza” pa “cubrir les necesidaes hixéniques requeríes nun hospital”.
Recorda-y al Gobiernu d’Asturies que la partida presupuestaria, pa la llimpieza de los hospitales ye “casus belli”, polo que, si ye necesariu reforzar esta partida nos Presupuestos, tendrá de realizase, a menos que se pretenda la destrucción de la Sanidá Pública y deseyar les pergraves consecuencies d’una FUELGA nel seutor.
A la Dirección de la Empresa EULEN SA, ablucanos pola pretensión de la Empresa de siguir col mesmu beneficiu nestes circunstancies ya inclusive aumentar porcentualmente.
Comunicar a tolos asturianos que dende va dos años dar en rebaxar salarial de les trabayadores de los hospitales na cantidá de 300€ mensuales.
La solución d’esti nuevu conflictu de la Sanidá, pasa por que’l SESPA, apurra la partida presupuestaria abonda, necesaria ya imprescindible, pa evitar muertos nos Hospitales. La Empresa Concesionaria qu’asuma rebaxes nos sos beneficios y les mesmes trabayadores del Serviciu de Llimpieza, que yá asumimos y vamos siguir asumiendo’l retayu salarial de 300€ mensuales.