Concentración frente a la tienda IMAGINARIUM en Xixón

Vienres 4 de Xineru a les 19 h.
C/Los Moros, 8 – Xixón

IMAGINARIUM, xuguetería con presencia en tol estáu, viende xuguetes musicales fabricaos n’Israel. La cadena Imaginarium viende por tol Estáu español xuguetes musicales (Boleru, Mambo, Xilo y Rhythm) y xuegos Rummikub, fabricaos n’Israel. Esiximos la so retirada hasta qu’Israel cumpla col Derechu Internacional y respete los Derechos Humanos.

Vender productos fabricaos n’Israel contribúi de forma direuta a perpetuar el sistema d’apartheid, colonización y ocupación que’l réxime sionista exez sobre’l pueblu palestín. Con éses esiximos a Imaginarium que retire los sos productos fabricaos ellí, según que cese les sos relaciones comerciales con Israel.

La campaña de Boicó, Desinversiones y Sanciones ye una iniciativa palestina que llanza a la comunidá internacional ante la pasividá cómpliz de los nuesos gobiernos ante les violaciones de derechos humanos d’Israel. Recoyemos esta llamada y nun vamos cesar nesti llabor hasta qu’acabe la ocupación de Jerusalén, Cixordania y Gaza; hasta que les y los palestinos que viven nel estáu d’Israel tengan igualdá de derechos; y hasta que se reconoza’l inalienable derechu a la torna de los millones de palestinos y palestines que fueron espulsaos de los sos llares.

Causa Árabe Asturies

CARTA A IMAGINARIUM PIDIENDO RETIREN LOS SOS XUGUETES ISRAELIES Y FRANQUICIES D’ISRAEL.

Sres. de Imaginarium:

Como Franquicia israelina de xuguetes, tienen que saber y tienen de saber que los xuguetes que vienden de fabricación israelina, tán financiando dende’l so orixe la Ocupación Illegal per parte d’Israel en Palestina, nos Territorios Palestinos de GAZA, CIXORDANIA Y XERUSALEM ESTI, pero especialmente la Franxa de Gaza ye la que más sufre la Ocupación Illegal y los Crímenes de Lesa Humanidá qu’Israel executa dende fai más de 64 años sobre la so población civil y los más afectaos como siempres son los Neños Palestinos. Los neños de la Franxa de Gaza son los que más sufren los bombardeos israelinos dende l’entamu de la Ocupación, nel Xenocidiu Palestín de 2008-2009 (operación “plomo fundíu”) morrieron asesinaos más de 400 neños dalgunos d’ellos ñácaros…, nel recién Xenocidiu Palestín de primeros de Noviembre pero que venía perpetándose dende selmanes tras, una gran parte de los palestinos asesinaos (165), son neños dalgunos de bien curtia edá…Tamién son neños los centenares de mancaos nos bombardeos sufiertos nes sos cases, escueles, na cai mientres xueguen… , son neños los que sufren graves remortines físiques y psicolóxiques producíes poles armes químiques utilizaes pol exércitu israelín y que tán prohibíes siquier teóricamente poles Lleis Internacionales pa ser utilizaes sobre la población civil anque tamién tendríen de tar prohibíes na práctica y por tantu los criminales que les utilicen ser condergaos en Tribunales Internacionales. Son neños los que sufren l’Illegal ya Inhumanu Bloquéu a la Franxa de Gaza dende 2006 y que nun tienen accesu a los recursos más básicos pa la subsistencia como son comida, agua, ropa, vivienda, melecines, cuidaos médicos, material escolar y menos entá xuguetes tan básicos tamién pal desenvolvimientu físico y psicolóxico de la infancia…¡por esa Inxusticia y Privación que sufren los neños palestinos, producíes pola barbarie israelina, ye que munchos neños palestinos tienen que xugar tirando piedres a los tanques israelinos ¿saben…?, tienen que Xugar a la RESISTENCIA que ye l’únicu Xuegu que-yos queda pa defendese de la Violencia y Barbarie israelines…! , y tamién son esos neños los que depués son deteníos nes sos cases metanes la nueche, maltrataos y torturaos igual que los adultos ensin nenguna protección llegal nin xudicial que los ampare a pesar d’esistir los Derechos Universales de la Infancia, y les Convenciones de los Derechos del Neñu,…porque primero de too Israel ye impune internacionalmente por tar protexíu polos gobiernos occidentales de mediu mundu y pola llamada “Comunidá Internacional” y por eso comete los Crímenes de Lesa Humanidá en Palestina y especialmente contra la Franxa de Gaza, sufriéndolos los neños de manera especialmente dramática.

Ye por tou esto, que-yos digo/dicimos que LA OCUPACION NUN YE UN XUEGU y por tantu NUN TIENEN DE VENDER XUGUETES QUE FINANCIEN LA OCUPACION ILLEGAL DE PALESTINA, LA LLIMPIEZA ETNICA SOBREMANERA EN GAZA Y EL INFANTICIDIU DE LOS NEÑOS PALESTINOS PER PARTE D’ISRAEL.

Por eso pído-yos/pidimos que:
Retiren de la vienta los xuegos y xuguetes de fabricación israelina Retiren
les sos Franquicies xugueteres d’Israel