La CSI desixe la llibertá ensincargos d’Alfon

La Corriente Sindical d’Izquierda desixe la puesta en llibertá darréu y ensin cargos p’Alfonso Fernández, únicu deteníu que permanez en prisión dende la fuelga xeneral del 14 payares, asina comu la retirada de tolos cargos contra les presones imputaes nes pasaex fuelgues xenerales.
Coles mesmes, la CSI fai un llamamientu a tola clase obrera asturiana, a participar na concentración que, sol lema “Llibertá p’Alfon”, va tener llugar el próximu vienres 28 d’avientu, a les 20:00 h. na plaza’l Parchís de Xixón-Asturies.
Pa la CSI resulta intolerable que se siga encarcelando a les presones que namás defenden los sos derechos, demientres los braeros criminales, culpables de la cris-estafa que carecemos, siguen arriqueciéndose cola más absoluta impunidá.
El casu d’Alfon, al que se-y aplicó, inclusu, el réxime de FIES (Ficheru d’Internos d’Especial Siguimientu), resulta d’un especial asañamientu, fora de too llugar, al qu’hai de poner fin de manera inmediata.
Despídennos, emprobécennos, desáhuciennos, quítennos la nuesa salú, tórnennos en man d’obra analfabeta y, si protestamos, múltennos, túndennos, detiénennos y encarcélennos. Ellos son los braeros criminales.
Nes pasaes fuelgues xenerales del 29 marzu y 14 payares, munches presones, resultaron tundíes, deteníes y encausaes por salir a la cai a defender los sos drechos; por pidir un trabayu, por querer salir del paru y de la probitú. Tán imputaes por defender el pan y los drechos de toes y toos. Agora, nun podemos dexales soles. Hai qu’algamar la so absolución y que se castigue a los braeros culpables de la cris, a quienes s’arriquecen a la nuesa costa y a quienes nos conderguen a la miseria.