La Marea Negra abre les puertes de la Xunta Xeneral

Una nueva protesta d’emplegaos públicos n’Uviéu, que vienen realizando tolos vienres, terminó nesta ocasión col zarru, siquier temporal, de la see de la Xunta Xeneral del Principáu d’Asturies qu’estos díes celebra les sos xornaes de puertes abiertes.
Al igual que la platilla de la RTPA’l día anterior, un grupu entró como visitantes nel hemiciclu pa protestar nel interior contra los retayos; frente al edificiu esperábenlos el restu de los manifestantes. Dalgunos queríen volver entrar y axentes de la Policía Nacional bloquiaron les puertes. La manifestación siguió col percorríu previstu.