Solución o dimisión ¡Salariu social ya!

El llunes 3 d’Avientu dende l’Asociación contra la esclusión ALAMBIQUE convocamos una rueda de prensa pa denunciar la situación del Derechu al Salariu Social.

Na mesma y col acompañamientu d’un grupu de persones dimos a conocer les situaciones que se-y escaecen a la Conseyera de Bienestar social, Esther Diaz y el so equipu de trabayu na Consejeria ,les situaciones que tienen qu’encarar les persones a les que nun-yos llega’l Salariu Social en plazu, impagos de los servicios básicos como l’agua y la lluz, problemes pa pagar la so vivienda o les necesidaes d’alimentos básicos pa poder sobrevivir, les escuses y razones que da la mesma consejeria y un plan de midíes urxentes que plantegamos dende fai mas d’un añu dende ALAMBIQUE pa intentar solucionar l’atascu de la llei.

Ademas dimos a conocer les nueves acciones que se van a llevar a cabu pa garantizar el derechu al salariu social.

– Recoyida de sofitos y firmes personales, colectives, d’asociaciones…etc pidiendo la solución inmediata de la situación o la dimisión de los responsables politicos. (ver el manifiestu axuntu).

– Siguimientu a les partíes presupuestes del Salariu Social. P’amosar si garantizar de manera efectiva los recursos necesarios por que lleguen a toles persones.

– Realización d’una acción de protesta delantre del Parlamentu Asturianu por que los responsables d’esta situación tengan que dar la cara delantre de les persones que estan sufriendo’l colapsu del derechu y les sos consecuencies.

Convidámosvos a sofitar y sumavos a cualesquier d’estes iniciatives, pa intentar solucionar la condena a la esclusión social y la probeza de munches persones que estan esperando pola tramitación del so derechu a unos ingresos económicos.

Pa faenos llegar el sofitu al manifiestu y cualquier cuestión sobre les acciones puestes en marcha.