Salariu social, solución o dimisión

Nestos últimos díes dende la Conseyería de Bienestar Social reconocióse, públicamente, que tán enchíos na xestión del derechu al salariu social. Reconocieron que más de 5.200 solicitúes tán esperando la tramitación y que l’atrasu llega a los 17 meses.
Les úniques soluciones qu’apurren Esther Díaz y el so equipu (Clara Costales y Jacinto Braña) son repitir una y otra vez los dos midíes que repitieron les sos antecesores nel cargu, tener más personal y un programa informáticu, porque se trabaya con una fueya de Excel.
El colectivu contra la esclusión Alambique llama a una rueda de prensa’l próximu 3 d’avientu delantre de la Conseyería de Bienestar Social n’Uviéu, a les 12 del mediudía pa treslladar les distintes acciones programaes nes próximes feches contra los atrasos el salariu social.