Conceyu de la Plataforma contra la represión y poles llibertaes

El miércoles 28 de payares a les 19 hores nos locales de CSI en Xixón, vamos aconceyar la Plataforma contra la represión y poles llibertaes, pa tratar los cientos de casos de represión que se tán produciendo n’Asturies, de resultes de les lluches sociales, contra los recortes que’l sistema nos ta aplicando a los mas desfavorecidos.
Hai cientos de procesos xudiciales abiertos con calificaciones y pidimientos de penes de prisión y multes, pa compañeros de la minería, de la plataforma antideshaucios y los ultimos deteníos na Fuelga xeneral del 14-n.
Nesti conceyu, queremos alcordar l’entamu d’una campaña de divulgación y sensibilización social y la preparacion d’actos públicos contra la represión y la convocatoria d’una rueda de prensa.
La gravedá de la situación actual y les consecuencies de la Fuelga Xeneral, qu’amás de los cuatro deteníos se tán citando a más persones como imputaes, fai absolutamente necesaria la to presencia y participación nesta Asamblea.