Gas Fenosa, apaga y vámonos

Una vecina de Xixón de 45 años y madre de dos fíos nun tien empléu, terminó va meses les prestaciones contributives y los subsidios por desempléu y agora mesmu namás cobra un complementu del salariu social, 215 euros. Esta vecina lleva cobrando 215 euros dende marzu, porque nun-y actualicen el so derechu al salariu social de 611 euros. Dende marzu tien qu’enfrentase a los pagos cotidianos con 215 euros, ensin qu’haya una respuesta per parte de l’alministración autonómica.
Un grupu de venti persones convocaes pola Asociación contra la esclusión social Alambique concentrose el martes 13 de payares nes oficines de la empresa encargada de la comercialización del suministru de Gas Fenosa pa esixir una solución pa esta familia y pa quien s’atopen en situaciones similares.