CCOO, UXT Y USO intenten sustituyir la manifestación convocada por CSI, CXT, CNT Y SUATEA

Ante l’intentu, per parte de CCOO, UXT y USU, d’e sustituyor la manifestación convocada por CSI, CXT, CNT y SUATEA, el próximu miércoles 14 de Payares, en Xixón, la CSI quier faer públicu’l siguiente comunicáu:
La Corriente Sindical d’Izquierda fai un llamamientu al tola clase obrera asturiana a participar na manifestación convocada por CSI, CXT, CNT y SUATEA, pal próximu miércoles 14 de Payares, día de fuelga xeneral, que va partir a les 12:00 h. de la plaza de l’Humedal y va terminar n’El Náuticu de Xixón.
Históricamente, en toles fuelgues xenerales, CSI, CXT, CNT Y SUATEA cellebren una manifestación, el mesmu día de fuelga, en Xixón, a les 12:00, con un percorríu que siempres ye’l mesmu, dende la plaza de L’Humedal hasta El Náuticu.
Coles mesmes, tamién CCOO, UXT y USO, amás de celebrar una manifestación n’Uviéu, mientres la tarde del día de fuelga, celebren una concentración en Xixón a les 12:00, na plaza de la Casa Conceyu.
Dambos actos celébrense siempres simultáneamente y nun ye la primer vegada que dambes movilizaciones cruciar poles cais de Xixón, nun clima de total respetu ente les distintes organizaciones sindicales y de más respetu entá a la voluntá de cada trabayador o trabayadora, de sumase a la movilización que considera oportunu.
CSI, CXT, CNT y SUATEA convocaron nesta ocasión, como lleven faciendo dende va munchos años, una manifestación el 14 de noviembre, día de la fuelga xeneral, en Xixón, a les 12:00 h., con salida de la plaza de L’Humedaly final n’El Náuticu.
El pasáu xueves 8 de payares, la CSI recibió una invitación de CCOO de Xixón, pa intentar realizar una movilización conxunta. La CSI participó na xunta, que tuvo llugar el llunes 12 de payares.
Pero los representantes de CCOO, en llugar de caltener un alderique sobre la forma de convocatoria conxunta más afayadiza, namás informaren de que CCOO, UXT y USO convocaren unilateralmente otra manifestación, el mesmu día, a la mesma hora y col mesmu percorríu que la de CSI, CXT, CNT y SUATEA.
Darréu, los representantes de CCOO ufiertaron, como única opción posible, qu’estos sindicatos (CSI, CXT, CNT y SUATEA) sofitaren la manifestación convocada por CCOO, UXT y USO.
Primero de too ello, la CSI quier dexar escamplaes los siguientes puntos:
– CSI, CXT, CNT y SUATEA caltienen la so convocatoria de manifestación pal día 14 de Payares, en Xixón, a les 12:00 h., con salida de la plaza de L’Humedal y finalización n’El Náuticu.
– Los dirixentes de CCOO, UXT Y USO, demuestren el so más absoluta irresponsabilidá, intentando usurpar les movilizaciones d’otres organizaciones sindicales.
– La unidá d’aición ente les organizaciones sindicales y el conxuntu de el trabayadores y trabayadores, nun se consigue con maniobres cicateres y actitúes miserables, sinón sumando esfuerzos y favoreciendo la unión del conxuntu de la clase obrera, perenrriba los intereses personales o de preponderancia de sigles.
– La unidá obrera fórxase, dende les organizaciones sindicales, desenvolviendo un sindicalismu honráu, apurríu a la causa de el trabayadores y trabayadores y al serviciu esclusivu de los derechos de la clase obrera, mientres tol añu y non yá en díes de fuelga xeneral.