Recortar en sanidá ye lo mesmo que matar

Cientos de persones percorrieron güei les cais del centru de Xixón en defensa d’una sanidá pública de calidá y pa protestar polos retayos aplicaos nesta área, nuna manifestación convocada pola Corriente Sindical d’Izquierda (CSI) y pola Asamblea de trabayadores del Área V. La marcha partió a les 19:00 hores dende la Plaza de la Güelga hasta’l Conceyu de Xixón na que los manifestantes portaben pancartes con lemas como “Non a despidos d’eventuales, non a la nueva xornada”.
“Entendemos que cualquier retayu que se produz en sanidá tien una repercusión direuta ya inmediata sobre l’usuariu”, desplicó a Efe la responsable de sanidá de CSI. Ana Carpinteru desplicó que’l motivu de la convocatoria ye intentar “averar” el conflictu sanitariu “al restu de la ciudadanía”. Al so xuiciu, el próximu añu’l Gobiernu central va aplicar más axustes en sanidá, tal que los demuestren, dixo, los “restrictivos” Presupuestos Xenerales del Estáu.
Sicasí, esplicó que’l Principáu “ta dando una vuelta de tuerca” al decretu del Executivu central qu’afecta a esta área. “Ta aprovechando pa llevar muncho más allá’l decretazu de Rajoy y pa dar una nueva vuelta en retayos de el trabayadores que nun tien nenguna xustificación”, señaló antes d’asegurar que’l sindicatu va convocar próximes movilizaciones.

Fonte: EFE