Manifestación en defensa la sanidá pública

Somos trabayadores doblemente esmolecíes, non solo poles nueses condiciones llaborales sinón tamién pola nuesa condición d’usuaries de la Sanidá Pública. Nos medios de comunicación, la visión que se da del conflictu ye la qu’intenta imponer el partíu nel gobiernu. Dícennos que l’aplicación de la xornada de 37,5 hores y l’empeoramientu de les condiciones llaborales ye pa buscar la sostenibilidá del Sistema Sanitariu, cuando en realidá repercute direutamente na calida asistencial, el retrasu en pruebes diagnóstiques y nes llistes d’espera.
Tamos en conflictu pa protexer el Sistema Sanitariu Públicu y que siga siendo gratuitu, de calidá y universal.
Tamos en conflictu porque los recortes en sanidá nun sirven pa lluchar contra’l déficit y la delda que nós nun xeneremos. Pa lo que sí sirven ye pa la desapaición de los servicios sanitarios gratuitos y asina dar pasu a les empreses sanitaries privaes
Tamos en conflictu porque nos negamos a l’aplicación d’un Real Decreto Llei ilexítimu. Y ser, ente otres coses, porque en concencia nun taba nel programa electoral del PP cuando foi votáu nes elecciones xenerales.
Tamos en conflictu porque queremos denunciar la retirada de la tarxeta sanitaria a inmigrantes, el copago de fármacos, el repago por pruebes diagnóstiques, el repagu del serviciu d’ambulancies… y demás repagos que quieren imponenos hasta que nos acostumemos al pagu de tolos servicios sanitarios.
Tamos en conflictu sí, pero non dende una posición egoísta y económica. Sabemos qu’estes midíes que s’imponen nun sirven más que pa emprobecer a la población, en beneficiu de les minoríes privilexaes. Solo tenemos que mirar a Grecia, Italia, Portugal… onde la situación non solo nun ameyoró sinón qu’empioró considerablemente.