Llamamientu de la CSI a la fuelga xeneral del 14-P

La Corriente Sindical d’Izquierda fae un llamamientu a toles y tolos trabayadores a la fuelga xeneral del prósimu 14 payares, y a participar en toles aiciones, movilizaciones y actos convocaos por esti sindicatu pa esi día.
Los retayos del Gobiernu pa saldar la mal nomada “deuda pública”, nun ye más qu’una disculpia pa regalar a la banca privada tolos recursos económicos que’l conxuntu la clas obrera necesita pa poder llevar una vida digna.
El desaxeráu xorrecimientu’l paru , el desmantelamientu los servicios públicos (Sanidá, Educación, Servicios Sociales, ya eso), el descontroláu aumentu’l nivel de probitú, la Reforma Llaboral, la precarizaciñón xeneralizada de les condiciones de trabayu y la brutal represión de les protestes y movilizaciones obreres, son razones enforma pa entamar, non sólo una fuelga xeneral, sinon cuantes seyan precises p’algamar el xustu repartu la riqueza, recuperar los drechos sociales pa toes y toos y, n’especial, el drechu de toles presones a vivir dignamente pol meru fechu de selo.
La CSI camienta que la fuelga xeneral del 14 payares nun tien de ser solamente un día de paru llaboral, sinon l’entamu d’una movilización xeneral de la clas obrera asturiana que, solidariamente cola del restu los pueblos del Estado español y d’Europa, llante cara al capitalismu y avance nel camín del so desaniciu dafechu.