Trabayadores de Caxastur protesten a la llegada los príncipes al Auditoriu

Trabayadores de Cajastur protestaron esti xueves 25 con bocines y xiblatos polos retayos y los despidos nesta entidá a la llegada de los príncipes d’Asturies al auditoriu, onde esta nueche tien llugar un conciertu ufiertáu pola Orquesta Sinfónica del Principáu.
Con pitíos y berros de “¡Fora, fora¡”, los concentraos, asitiaos tres unes valles de seguridá, recibieron a don Felipe y doña Letizia cuando baxaron del coche oficial, fuertemente escoltáu por un ampliu dispositivu policial alrodiu l’edificiu del Auditoriu Príncipe Felipe. Tamién se glayaron conseñes en contra de Manuel Menéndez, presidente de Liberbank.