Nin recortes nin privilexos

La Corriente Sindical d’Izquierda convoca a toos los trabayadores, y sofita a les demás concentraciones que conflúin na Plaza de la Escandalera d’Uviéu, el prósimu vienres 26 d’ochobre a les 17 h, con motivu del refugu a la entrega de los Premios Príncipe d’Asturies.
Animamos a tolos emplegaos y emplegaes de l’alministración pública a participar, conjuntamente col restu de colectivos sociales, nesta concentración, na denuncia de los retayos que tanto’l PP como’l PSOE executen, vienres tres vienres, contra’l conxuntu de la clase obrera, cola esixencia de la devolución de tolos derechos anulaos y col NON PAGU de la delda, por ilexítima.
La participación mayoritaria de la clase obrera nes movilizaciones, ye un requisitu indispensable pa detener esti ataque a les trabayadores y, especialmente, nestos momentos en que’l Gobiernu del PP asumi como delda pública toles ayudes a la banca privada, colo cual dispárase’l déficit públicu, conviertiéndose nuna desixencia’l nuevu rescate a la troika europea, multiplicándose’l nuesu endeldamientu, cola imposibilidá de pagar esta, yá de por sí, ilexítima delda.
Conviertese en más obligáu que nunca la participación y convocatoria de la fuelga xeneral del próximu 14 de noviembre, en contra d’un nuevu rescate, contra los retayos del gobiernu del euru y contra el pagu de la delda.