Israel asalta’l Estelle enantes de llegar a Gaza

L’Exércitu israelín asaltó’l veleru Estelle, que forma parte de la Flotilla de la Llibertá. Camín de Gaza asegura que, si acepten los cargos, los tripulantes van ser procesaos y deportaos nun máximu de 72 hores. Si nun lu faen, pueden enfrentase al internamientu en prisión y a ser xulgaos nun tribunal israelín. Como respuesta a esta agresión, va realizase una concentración el domingu a les 13h na Plaza del Parchís de Xixón.