CSI y CXT convoquen fuelga en HP

Los sindicatos CSI y CXT convocan una fuelga de 24 hores pa 1.800 emplegaes en Hewlett-Packard Consultoría y Aplicaciones y Hewlett-Packard Outsourcing.
Les acciones de protesta previstes van siguir antes y dempués de la xornada de fuelga del 19 d’ochobre, hasta que la dirección de HP nel Estáu español acepte un alcuerdu d’empleabilidá basáu nos principios de voluntariedá, tal que la mesma compañía fixo n’otros países d’Europa.
Acordies con dichos sindicatos, dende fai más de dos años HP España caltien una política de despidos, con más del 10% de la plantiya nuna “incesante pinga”, y contrataciones “precaries” que conducieron a una degradación progresiva de les condiciones llaborales.
Los despidos aumentaron dempués de que la plantiya refugara’l pasáu mes de xunetu un preacuerdo ente la compañía y la sección sindical de CC.OO y que cuntaba cola oposición del restu de la representación sindical na empresa (CSI, CXT, UXT).