Prexubilados de Naval Xixón corten el tráficu con una barricada

El Colectivu de Prexubilaos de Naval Xixón cortaron el tráficu esti martes 16 con una barricada n’entrando pola fuerza nel astilleru, sacando parte del moblame, y prendiendo-y fueu na cai.
Los manifestantes rompieron los candaos de les puertes y empezaron a sacar muebles del astilleru peles ventanes. Darréu, los apilaron ente la cai Mariano Moré y la plaza Máximu González y prendiéron-yos fueu.
Los prexubilaos del astilleru vuelven a manifestase yá que hasta la fecha, nun sirvieron les xestiones que fixo’l Conceyu xixonés por ponese en contactu col conseyeru d’Economía y Empléu, Graciano Torre, y Pymar, y la situación cada vez ye más angustiosa pa les families.