Fuelga internacional en HP

Los últimos díes realizáronse delles aiciones internacionales contra los despidos y en solidaridá cola plantiya de HP n’España.
Repartiéronse folletos solidarios en sedes de HP como les de Nanterre-París (Francia), Nürenberg y Frankfurt (Alemaña) o Bonos Aires (Arxentina), Milan (Italia) y Eindhoven (Holanda) o cartes de protesta a la see de la compañía en Suiza.
Queremos darles gracies en nome de la plantiya por estes aiciones d’información de la nuesa situación. Como toos sabemos, les coses soluciónense actuando y nun esperando que s’iguen soles.
Somos trabayadores y na nuesa vida ye absolutamente normal ya imprescindible faer fuelga en delles ocasiones yá que, por desgracia, los derechos y el respetu nun se regalen. Solos nun vamos parar nada, actuando como plantiya sí.
Esti vienres HP para. Caltener la normalidá un día de Fuelga nun ye neutru, yá que va contra l’esfuerzu de cientos de trabayadores, de compañeres.
Cola fuerza algamada por toos nós vamos sentanos de nuevu con RRHH, vamos volver a tender la mano y vamos siguir reivindicando lo que la mesma empresa apautó en Francia o Italia: paz social en cuenta de respetar a les trabayadores.
La so política de relaciones llaborales ye desastrosa pa la mesma compañía. Lamentablemente entá nun entendieron que somos persones, non recursos inertes. Esti vienres, pos, FUELGA EN HP.