La plantiya de HP respuende a los nuevos despidos con más protestes

La empresa HP despidió nuevamente a otros dos compañeros, ensin importa-y namás que el dineru que va ganar contratando en precariu. Como trabayadores nun podemos quedanos de brazos cruzaos esperando la vez, como sindicatu non puede sese enxamás pasivu o tibiu ante esta difícil situación que puede agravase en curtiu si nun-y ponemos remediu.
Nun queda más camín que participar en toa movilización que se convoque, y de forma bien especial la Fuelga, como siempres fiximos el trabayadores. Naide va regalanos un alcuerdu xustu, eso sabemoslo toos.
Pela nuesa parte siguimos amontando la reivindicación, detrás de les palabres tien que venir el respaldu de fechos reales, selmana tres selmana:

  • El videu del pregón en Zaragoza foi vistu por 3400 persones ayenes a HP nun namá día.
  • Los reportaxes de la llucha polos nuesos puestos de trabayu asocédense cada vez más frecuentemente. El caberu teneislu nel diariu dixital Públicu
  • Ayeri punsieronse pancartes en dellos centros de trabayu, amosando a la ciudadanía que’l día 19 HP ta en Fuelga.

Tamos acompañaos

El sofitu nes redes sociales, la conocencia na población nun fai falta nin detallalo por evidente. Güei, va falar na Rede de los despidos y la fuelga en HP, a partir de les 11:00 en FuelgaenHP
Siguimos cola mano tendida’l tiempu que faiga falta, pero non inmóviles. Per otru llau, como nun puede ser d’otra forma, sofitamos y vamos sofitar cualquier movilización convocada por cualesquier sindicatu de la empresa.

19-O FUELGA EN HP
¡NON A LOS DESPIDOS EN HP!