Prexubilados de Naval Xixón encadenense na Casa Conceyu de Xixón

Un centenar de trabayadores prexubilaos de Naval Xixón echáronse a la cai, a los diez de la mañana, dende la Calzada, pa denunciar que la empresa PYMAR lleva 10 meses bloquiando’l 75% de los sos salarios a los que fueron cumpliendo 60 años.
La protesta remató a les puertes de la Casa Conceyu, onde seis d’ellos encadenáronse nes escaleres, pa forzar una xunta colos grupos municipales por que medien nel conflictu, fartos de llevar meses ensin cobrar les ayudes previes de la Seguridá Social a la xubilación, dalgún inclusive dende xineru.