Escontra los retayos sociales, por un trabayu dignu y pola fuelga xeneral

El prósimu vienres 21 de setiembre, a les 19 h, n’El Parche (plaza l’Ayuntamientu) d’Avilés, la Corriente Sindical d’Izquierda convoca una concentración “escontra los retayos sociales, por un trabayu dignu pa toes y toos y pola fuelga xeneral”.
“Porque tas en paru. Porque tienes un trabayu precariu, con un sueldu miserable que nun llega a fin de mes. Porque nun vas tener hospitales pa curate. Porque van desahuciate. Porque tienes fíos o fíes que yá nun van poder estudiar. Porque van quitate los servicios sociales. Porque vas quedar sin pensión. Porque, como sigan asina les coses, vas tener que vivir de lo qu’alcuentres na basura. Porque los ricos cada vez son más ricos y los obreros y obreres cada vez somos más probes. Porque los banqueros tan riéndose de tí. Porque’l capitalismu ta acabando con too. ¡TENEMOS DE PARALOS YÁ!”.