Actu públicu conxuntu de CSI y el sindicatu brasileñu CSP-CONLUTAS

El prósimu llunes 10 de setiembre, a les 18:30 h., nel salón d’actos de la Biblioteca Pública de Xixón (na cai Xovellanos), va tener llugar un actu públicu organizáu pola Corriente Sindical d’Izquierda, nel que se fadrá la presentación del sindicatu de clas brasileñu Central Sindical y Popular Conlutas.
Baxu’l lema “Llucha sindical en Brasil”, van intervenir Dirceu Travesso “Didí”, de CSO-Conlutas, José González Marín, de CSI-Minería y Cándido González Carnero, de CSI.
Hai namás qu’unes selmanes, una delegación de la CSI visitó Brasil, convidada por CSP-Conlutas, pa desplicar la situación del conflictu mineru asturianu, recoyendo la solidaridá de los y les trabayadores brasileños.
Nesta ocasión, son los compañeros y compañeres de Brasil quienes nos desplicarán la situación d’anguañu de la llucha sindical de clas nel so país.