La plantiya del Centru d’Atención a la Discapacidá de Cabueñes enciérrase contra los recortes de personal

EL COMERCIO. La plantiya del CR y CAI de Cabueñes encerrose nes dependencies del centru esta mañana pa intentar forzar a la Conseyería de Bienestar Social y Vivienda a que nun acometa l’amenorgamientu de plantiya que tien prevista, cifrada pol comité d’empresa en “casi un 25% del personal auxiliar educador qu’atiende de forma directa a los usuarios, más del 70% de el educadores d’unu de los centros y una rebaxa del númberu del personal operativo de servicios”.
El comité d’empresa asegura que l’actuación prevista pola Conseyería de Bienestar Social ye “totalmente esbarriada y supon el total esmantelamientu del actual modelu del centru, destruyendo tou lo llograo tocantes a integración y normalización de los usuarios, esaniciando les meyores na igualdá d’oportunidaes y na meyora de la calidá de vida de les persones con necesidaes especiales, condergándo-yos a una vida de reclusión ente cuatro pared”.
El comité d’empresa axuntó ayeri con responsables de la Conseyería de Bienestar Social y, tres nun avanzar nes negociaciones, adoptóse la decisión de que la plantiya s’encerrara.