Concentración en solidaridá colos mineros asesinaos en Sudáfrica

El prósimu martes 21 d’agostu, a les 19:30 h., delantre’l Palaciu Campoamor d’Uviéu, CSI-Minería convoca una concentración de sofitu a los trabayadores de la mina platinu sudafricana, propiedá de la empresa Lonmien, que s’atopa na rexón de Marikana, a 100 Km de la capital, Johannesburgo.

Les movilizaciones de los 3.000 trabayadores fuelguistes, que reivindicaben unes condiciones laborales mínimes, dieron llugar a unos perduros enfrentamientos col resultáu de 40 mineros muertos a disparos de la policía.

La policía sudafricana dispara a los mineros en huelga | euronews, internacionales