Actuar contra’l mónstruo

Por fin daquién determina actuar contra unu de los monstruos multinacionales creaos, impulsaos y amparaos polos defensores del orde neolliberal de la globalización. El ministru francés de Recuperación Productiva, Arnaud Montebourg, declaró, “intento construyir una reacción de los Estaos ante la potencia d’un grupu como Arcelor-Mittal. Los Estaos europeos tienen de controlar l’aceru, que ye un productu base pal restu de les industries” y tal ye asina que en setiembre yá tienen afitada una xunta colos ministros de Bélxica y Luxemburgu. Esti caberu declaró, “que l’oxetivu ye evitar que se cierren plantes de producción inclusive cuando resulten más o menos rentables” y pallo van esaminar la posibilidá de llexislar contra’l pieslle d’instalaciones industriales.